دەستووری خۆتان بناسن


Stafford Clarry , , سیاسەت



Stafford Clarry

٢٨/١٢/٢٠١٧ سەمینارێک بۆ بەڕێز ستافۆرد کلاری راوێژکاری ئەنجومەنی وەزیرانی حکوومەتی هەرێمی کوردستان و بەڕێز ئامید دەمیرتان کە پسپۆرە لە بواری دەستوور سازکرا، لە سەمینارەکەدا باسیان لە سوود و باشییەکانی دەستووری عێراق بۆ هەرێمی کوردستان کرد.

ئەم دوو شارەزایە بەو بەڵگەو داتایانەی لەبەردەستییانە پێیان وابوو لە قۆناخی ئێستای دوای ریفراندۆم، دەبێ جارێکی دیکە هەوڵ بدەین خەڵکی کوردستان و کاربەدەستانی کوردستان لە ناوەڕۆکی دەستووری عێراق تێبگەن، ئەگەر بێتوو دەستووری عێراق هەموو کوردستان تێیبگەن لەم قۆناخە نوێیەیدا کە ناچارن لەگەڵ عێراق بمێننەوە و کۆمەڵگای نێودەوڵەتی جارێ پشتیوانی جیابوونەوە لە عێراق ناکات.

هەر گفتوگۆیەک و رێککەوتنێک بۆ دابین کردنی ئاشتی و دابینکردنی بەرژەوەندییەکانی کوردستان لە چوارچێوە عێراقی فیدرالدا دەبێ بەپێی دەستووری عێراق بێت، بۆیە پێویستە باش لە دەستووری عێراق تێبگەن و لەو شوێنانەی کە بەرژەوەندییەکانی کوردستان دابین دەکات خەڵکی کوردستان دەستوورەکە بە هی خۆیان بزانن، هەوڵ بدەن کە فشار بۆ دەوڵەتی عێراق بێنن تا ئەم دەستوورە جێبەجێ بکرێت.

ستافۆرد کلاری پێی وابوو کە دەستووری عێراق زیاتر لە بەرژەوەندی هەرێمی کوردستانە، کەمتر لە بەرژەوەندی عێراقە، بۆیە دەبێ ئێستا کورد هەوڵ بدات کە ئەم دەستوورە ببێ بە دروشمێکی گەورە لەناو عێراق بۆ جێبەجێ کردنی و کۆمەڵگەی نێودەوڵەتیش پشتیوانی کورد دەکات بۆ ئەوەی دەستوور جێبەجێ بکرێ، لە بری ئەوەی کە کوردستان جیاببێتەوە.

ستافۆرد کلاری بە وردی باسی لە ماددەکانی دەستوور کرد، بەتایبەتی ئەو ماددانەی دەبنە مایەی بە فیدرالی بوونی عێراق، واتە جێبەجێ کردنی سیستەمی فیدرالی لە عێراق و هەرێمی کوردستان، لەوانەیە سوننەکانی عێراقیش دوای ئازادکردنی موسڵ و ناوچەکانیان خۆیان رێکبخەنەوە لە چوارچێوە ئیدارەیەکی سیاسی، جا ئەمە بەناوی هەرێمێکی نوێبێ یان بەشێوەیەکی دیکە بێت.

دوای ستافۆرد کلاری بەڕێز ئامید دەمیرتان قسەی لەسەر گرنگی دەستوور چەنییەتی دامەزراندنی دەستوور کرد، هەروەها باسی لە میکانیزمی گۆرانکترییەکانی هەر دەستوورێک کە چۆن دەبێ کرد، لە هەمان کاتدا دەکرێ دەستووری عێراقیش ئەو ماددانەی پەیوەندی بە خاکی کوردستانەوە هەیە و ئەو بەشەشی کە لەبەردەستی عێراقدا ماوە کاری لەسەر بکرێ، سەرەنجام عێراق ناچاربکرێ کە ئەم دەستوورە جێبەجێ بکات و یەکگرتووری خاکی کوردستانی باشوور بێتە دی.

 

چالاکییەکان

دەستووری خۆتان بناسن

Thursday 28 December 2017